का गुरू घासीदास जयंती म लागू हो ही पूर्ण सराबबंदी ?

रायपुर। 15 साल के वापसी के बाद कांग्रेस ले लोगन ल बहुत उम्मीद हवय। मंगलवार, 18 दिसंबर के गुरु घासीदास जयंती हवय।अइसे म लोगन ल उम्मीद हे के कांग्रेस ए मउवका म अपन वचन पत्र के मुताबिक पहिली काम छत्तीसगढ़ म पूर्ण सराबबंदी ल लागू करही। बतादन के पूरा राज्य म भाजपा सरकार खुद सराब दुकान संचालित करत रहिस हे।
बताया जाए जात हे के छत्तीसढ म नवा सरकार ह सपथ ग्रहन करे के 18 दिसंबर के मउवका म सराबबंदी ल लेके पहिली कदम कांग्रेस उठाही। अइसन लोगन ल उम्मीद हवय। छग म जब ले कांग्रेस सरकार पूर्ण बहुमत म आइस हे, तब ले सराब दुकान मन म सराब के सप्लाई घलो थम गे हे। सरकार के ए दुकान मन म कुछु ब्रांड मन के ही बिक्री होवत रहिस हे। अइसे म सराब ले जुड़े आला-अफसर एक के बाद एक इस्तीफा देवत हे। अइसे माने जात हे के कांग्रेस सरकार सबले पहिली ए अहम फइसला ल लागू कर लोगन के मन जिते म कामयाब हो ही।