का डॉ. रमन सिंह बनही  भाजपा के प्रदेस अध्यक्ष

का डॉ. रमन सिंह बनही  भाजपा के प्रदेस अध्यक्ष

रायपुर। पूर्व मुख्यमंत्री डॉ. रमन सिंह ह भाजपा के प्रदेश अध्यक्ष बन सकत हे।  जे तरह ले नेता प्रतिपक्ष के चुनाई हो इस हे एखर ले लगत हे के भाजपा प्रदेश के कमान संभाल ही। पार्टी के अंदरूनी जानकार मन घके भी इहीं कहना हे।

पूर्व मुख्यमंत्री डॉ रमन सिंह ह धरमलाल कौशिक ला नेता प्रतिपक्ष बनवा के अपन पार्टी म अपन लोहा मनवाइस हे। भारतीय जनता पार्टी के जानकार सूत्रों मन बताइस के अपन दावेदारी छोड़ के उमन ह  धरमलाल कौशिक के नाम का प्रस्ताव रखिन हे।

कौशिक के नेता-प्रतिपक्ष बने के बाद भाजपा प्रदेशाध्क्ष बर डॉ रमन सिंह अपन दावेदारी करही। वइसे भी कौशिक ला पूर्व मुख्यमंत्री के करीबी माने जाथे।  उंखर  नेता प्रतिपक्ष बने ले अब प्रदेस अध्यक्ष के कुर्सी खाली हो जाही। अइसे म अब पार्टी डॉ. रमन सिंह ल प्रदेस अध्यक्ष बनाही। अभु हाल ही म डॉ. रमन सिंह राष्ट्रीय अध्यक्ष अमित शाह के संग घलो मुलाकात कर दिल्ली ले  वापिस आइस हे। अइसे म ए  माने जात हे के ए बेर भारतीय जनता पार्टी प्रदेश अध्यक्ष के कमान डॉ. रमन सिंह के हाथ म देय के तइयारी करे जात हे। एखर औपचारिक घोसना जल्द करे जा सकत हे।