किसान मन के  कर्जमाफी के बाद महिला मन उठाइन पूर्ण शराबबंदी के मांग

रायपुर। छत्तीसगढ़ म कांग्रेस के आए नवां सरकार ह किसान मन के कर्जा माफ करे अउ समर्थन मूल्य बढ़ाए के अपना वादा पूरा कर दिस हे।  उहें कांग्रेस के घोसना पत्र म एक महत्वपूर्ण घोसना ए घलो  रहिस हे के पूरा प्रदेस म शराबबंदी कर जाही।

किसान मन ल जुड़ घोसना मन ल पूरा होय के बाद अब राजधानी रायपुर के महिला मन ह  सरकार  ले प्रदेस म पूर्ण शराबबंदी के वादा घलो पूरा करे के कहिस हे। राजधानी रायपुर ले सटे खोरपा अउ आसपास के गांव क महिला मन के  कहिना हे के उमन सरकार के काम ले खुस हन।  संगे संगउंखर मांग रहिस हे के शराब भट्टी मन ल नष्ट कर प्रदेस म जल्द ले जल्द पूर्ण रूप ले शराब ल बंद करे जाए।