किसान मन के खाता म हर महीना आही 4 हजार रुपिया ….कउन देही ए तोहफा ..पढ़व  पूरा खबर

नई दिल्ली/रायपुर। केंद्र सरकार किसान मन ल बड़े तोहफा दे सकत हे। एखर घोसना अगला हफ्ता तक अउ बजट ले पहिली हो सकत हे। सूत्र मन के मुताबिक पाछू हफ्ता पीएमओ अउ नीति आयोग के बइठक होइस हे।  जेमा कृषि मंत्रालय ह प्रजेंटेलन दिस हे के कइसे देस के किसान मन के स्थिति सुधारे जाए।  सरकार चाहत हे के किसान कर्जमाफी के बजाय अइसे विकल्प म काम होवय जेमा किसान मन के आर्थिक स्थिति म सुधार हो सकय। सूत्र मन के मुताबिक सरकार जे वैकल्पिक रननीति बनावत हे, उमा हर महीना किसान मन ल 4 हजार रुपिया प्रति एकड़ उंखर  खाता म  दे के फइसला  करे जा सकत हे।

ए पइसा सीधा किसान मन के खाता म  डाले जाही।  हालांकि ए पइसा किसान मन ल  कुछु शर्त के संग मिलही।  ए पइसा के मदद ले किसान खेती के दउरान होवइया  खर्च ल आसानी ले पूरा कर सकय। किसान मन ल एस योजना के लाभ पाए बर   कुछु जरूरी शर्त मन ल पूरा करना पड़ही। ए शर्त म उपज ल बेचे के बेरा, खरीददार के डिटेल, किसान के आधार कार्ड, फसल के मात्रा, जमीन के विवरन अन्य अउ सबो डाटा ल फसल के बिक्री के बेर इकट्ठा करे जाही।

केंद्र सरकार एखर बाद  ब्याजमुक्त लोन घलो दे के ऐलान घलो कर सकत हे। जेखर ले किसान मन ल जादा आर्थिक बोझ न पड़य।  किसान मन ल एक लाख रुपिया के ब्याज मुक्त लोन घलो मिलही।  किसान मन के आर्थिक मदद कर ले  सरकारी खजाना म बड़ बोझ पड़ही। एक आंकड़ा के मुताबिक, सरकार उपर करीबन डेढ़ ले 2 लाख करोड़ रुपए के बोझ आ सकत हे।  उम्मीद करे जात हे के  प्रधानमंत्री नरेन्द्र मोदी किसान मन ले  जुड़े ए ऐलान जल्द कर सकत हे।