छग प्रगतिशील किसान संगठन ह जताइस विरोध
रायपुर। जिला सहकारी बैंक ह किसान मन ले रिन वसूली बर नियम- कानून ल ताक म रख दिस हे । अउ किसान के सहमति के बिना रिन रासि ल समरथन मूल्य म धान बिकरी ले मिले रासि ले काट लिय जात हे । जबकि ए किसान मन ल 15 मार्च तक रिन अदा करना हे।
जिला सहकारी बैंक ह सोसायटी के माध्यम ले किसान मन ल खाद-बीज आदि बर दे रिन टाइम के पहिली काट लवत हे। एकर बर किसान मन के सहमति घलो नइ लेवत हे। ए संघरा बैंक ह किसान क्रेडिट कारड अउ बैंकिंग नियम मन के पालन नइ करत हे। संगे- संग रिन समायोजन नइ करय अउ किसान मन के आवेदन घलो लेय ले इन्कार करत हे।
छ.ग.प्रगतिशील किसान संगठन ह बैंक के सीईओ निवसलकर के अनुपस्थिति म अधिकारी कुसुम ठाकुर ले मिलके विरोध दरज करवाइन । अउ आगाह करिन के, किसान मनल कोनो प्रकार ले होय नुकसान बर बैंक अउ समिति मन ह जिम्मेदार होह। किसान मन के बिना सहमति के धान खरीदी के रासि कोनो भी हाल म करज म समायोजन नइ करे जाय। एमा अधिकारी ह प्रतिनिधी मंडल ल चरचा कर उचित कारयवाही के आस्वासन दिस।
प्रतिनिधि मंडल म राजकुमार गुप्ता , झबेंद्र भुषण वैष्णव, उत्तम चंन्द्राकर ,प्रमोद पवार, कल्याण ठाकूर, प्रेम दिल्लीवार, बंशी देवांगन , परमानंद, कांती देशमुख, बाबूलाल साहू अउ अन्य सामिल रहिन हे।
Other Articles
मतदान दल मन होइस रवाना….. देरी के वजह ले करमचारी मन होइस परेसान
सरकारी तंत्र के लापरवाही ….. नइ मिलिस किसान मन फसल बीमा के लाभ
