कुकुर एउ मुरगी के झगड़ा म बनगे दूनों झन दुश्मन

धमतरी। अपन पालतू जानवर मन ल काला लगाव नइ होथे, पर कभु-कभु जादा लगाव भारी पड़ जाथे। दू जानवर के आपस म झगड़ा एक मामूली बात हे पर कइसे हो अगर जानवर मन के झगड़ा म उंखर मालिक भिड़ जाय। अइसने ही एक दिलचस्प मामला आगू आइस हे छूही सलोनी गांव म कुकुर अउ मुरगी के झगड़ा म दूनों मालिक के बीच जमके मारपीट होइस। जेमा मुरगी के मालिक घायल होगे। एखर ले पहिली ये दूनों कभु दुश्मन नइ रहिन हे। लेकिन आज इन दूनों ल कुकुर अउ मुरगी के झगड़ा ह दुश्मन बना दिस। अइसे दुश्मन के मुरगी मालिक ल कुकिर के मालिक ह लात-घूसा मन ले अतका पीटिस दिस कि ओला जिला अस्पताल म भरती कराए बर पड़िस हे। दरअसल कहानी कुछु अइसे हे कि, संतराम के पालतू कुकुर ह कोमल निषाद के मुरगी ल नोंच के घायल कर दिस हे। जेखर बाद कोमल अपन मुरगी के शरीर म जख्म देखके आगबगूला होगे। जब ओला ये पता चलिस कि मुरगी के ये हालत बर संतराम के कुकुर जुम्मेदार हे तो ओह बिना कुछु सोचे-समझे संतराम के कुकुर ल अतका पीटिस कि ओखर मउत होगे।