कुलपति प्रकरन म सुखपाल सिंह ल सुप्रीम कोरट ले स्टे….

रायपुर। हिदायतुल्लाह राष्ट्रीय लॉ विस्वविद्यालय कुलपति प्रकरन म सुखपाल सिंह ल ये मामला म सुप्रीम कोरट ले स्टे मिल गेहे । ये स्टे सुखपाल सिंह बर बेहद अहम हे अउ अब वो ह बतौर कुलपति अपन प्रभार ग्रहन कर पाही अउ काम करत रहही। येखर बर ये आदेस बेहद अहम साबित होही।
जस्टिस एके सिकरी अउ जस्टिस अशोक भूषण ह सुखपाल सिंह के ओर ले जारी याचिका म सुनवाई करत हुये संबंधित पक्ष मन ल नोटिस जारी करिस हे, अउ हाईकोरट छत्तीसगढ के जारी आदेस म स्थगन दे दिस हे।
बतादन के हाईकोरट के युगल पीठ ह हिदायतुल्लाह राष्ट्रीय लॉ विस्वविद्यालय कुलपति प्रकरन मामला म फ़इसला देवत हुये कुलपति सुखपाल सिंह ल पद ले हटाये जाये के आदेस देय रहिस हे। संगे संग ये मानिस के कुलपति के रुप म सुखपाल सिंह ल मिले एक्सटेंसन नियम विरुद्ध हे। जेमा सुखपाल सिंह ह सुप्रीम कोरट ले स्टे मिल गिस हे।