कैग के रिपोर्ट म बड़े घोटाला के खुलासा ….17 विभाग के अधिकारी मन उपर लगिस गंभीर आरोप 

4600 करोड़ के ई-टेंडरिंग म गड़बड़ी…. कैग ह करिस खुलासा

रायपुर । कैग  के रिपोर्ट म एक बड़े खुलासा होइस हे। रिपोर्ट म 4601 करोड़ के टेण्डर म गड़बड़ी होय के उल्लेख करे गेहे। गुरुवार के प्रेस कॉफ्रेंस  म महालेखाकार बीके मोहंती ह भ्रष्टाचार के मामला ल प्रकास म लाइस हे। उमन ह  बताइन के कैग के रिपोर्ट म छत्तीसगढ़ म 4601 करोड़ के टेंडर म गड़बड़ी  करे गेहे।  रिपोर्ट म 17 विभाग के अधिकारी मन ह 4601 करोड़ के टेंडर म 74 अइसे कंप्यूटर के इस्तेमाल निविदा अपलोड करे बर करिन , जेखर इस्तेमाल वापिस उहीं टेंडरों ल भरे बर फेर  करे गिस।

महालेखाकार मोहंती ह बताइस के एखर बर 17 विभाग के अधिकारीमन ह जुम्मेदार हे। अधिकारी मन ह जे कंप्यूटर ले टेंडर के बोली लगाए गिस हे, उहीं  कंप्यूटर  ले फॉर्म घलो भरवाइन।  बता दन के 74 कंप्यूटर ले ई-टेंडरिंग के बोली लगाए गिस हे।  रिपोर्ट के मुताबिक जे 74 कंप्यूटर ले टेंडर निकाले गिस उहीं कंप्यूटर ले टेंडर वापिस भरे गिस। अइसन 1912 म होइस हे, जेमा 4601 करोड़ के टेंडर अधिकारी मन के कंप्यूटर ले ही भरे हे। एखर ले ए साबित होवत हे के टेंडर ले पहिली  टेंडर डालइया अउ  टेंडर के प्रक्रिया म सामिल अधिकारी, एक दूसर के संपरक म रहिन हे। उहें रिपोर्ट म बताए गिस के 5 अयोग्य ठेकेदार मन ह 5 टेंडर जमा करे गेहे। चिप्स के कार्य प्रनाली म घलोक कैग ह गंभीर सवाल उठाए हे। रिपोर्ट म कहे गे हे के चिप्स ह ई टेंडर ल सुरक्षित बनाए बर  कोनो पर्याप्त उपाय नइ करिस हे।

पेस नइ करिन दस्तावेज

 कैग के आरोप हे के संबंधित विभाग ह जरूरी दस्तावेज पेस नइ कर सकिस हे।  एखर  संग ही राज्य के स्वास्थ्य बेवस्था  म घलो सवाल उठाइस हे।

अइसन हे अस्पताल के हालत

रिपोर्ट म कह गए हे के प्रदेस म स्वास्थ्य केंद्र मन के संख्या जरूरत ले कम होए के संग ही अस्पताल म मउजूद मेडिकल उपकरन घलोक जरूरत ले 33 ले 53 फीसदी तक कम हवय।  एखर अलावा बाल मृत्यु दर 39 प्रति हजार हवय, जबके टारगेट 25 ले कम के हे।