कौशिक जाही राज्यसभा म, खरीदिस नामांकन पत्र

रायपुर। भाजपा के प्रदेशाध्यक्ष धरमलाल कौशिक के राज्यसभा म जाना तय माने जात हे। हालांकि दिल्ली ले राज्यसभा उम्मीदवार के जारी पहली सूची म उंखर नाम नइ हवय। लेकिन कौशिक ह विधानसभा ले नामांकन फार्म खरीद लिस हे। एखर पुष्टि विधानसभा सचिवालय ह करीस हे। सूत्र के मानन तो धरमलाल कौशिक ही राज्यसभा के उम्मीदवार होंही। अउ आजकल म केंद्रीय नेतृत्व के ओर ले धरमलाल कौशिक के नाम म मुहर लगा दे जाही।
विधानसभा सचिवालय डहर ले मिले जानकारी के मुताबिक राज्यसभा उम्मीदवार ल 12 मार्च तक नामांकन दाखिल करना हे। 13 मार्च के नामांकन पत्र के स्कू्टनी करे जाही। अउ जरूरत पड़ही तो 23 मार्च को मतदान होही। छत्तीसगढ़ विधानसभा म बीजेपी के बहुमत हवय , एखर सेती ए बात के चरचा हवय कि धरमलाल कौशिक निर्विरोध राज्यसभा सांसद चुनले जाही।