खास खबर….. ए कइसे विकास….. इहां के स्कूली लइका मन ह नदी के गंदा पानी पीए बर मजबूर हे

जय जोहार, सरगुजा । छत्तीसगढ़ म विकास के तमाम दावा करे जात हे। लेकिन विकास के तमाम दावा अउ वादा प्रदेश के सरगुजा संभाग पहुंचत-पहुंचत दम तोड़ देवत हे। 15 साल ले सत्ता म काबिज बीजेपी सरकार उपर आरोप हे के वो परदस के सब नागरिक मन ल पीए बर साफ पानी तक के इंतजाम नइ कर पाइस। इहां मासूम मन ह फ्लोराइड युक्त पानी पीए के बाद बीमारी मन के सिकार होवत हे।

प्रदेश के ही एक गांव सुपेबेड़ा म गंदा पानी पीए ले करीबन 70 लोग न ल अपन जान गंवाना पड़ीस हे। लेकिन आज तक सरकार ए गांव म साफ पानी पहुंचाए म सफल नइ पाइस। अइसने ही एक नवा मामला सरगुजा जिला के बतौली विकासखंड के छोटे पुटुकेला गांव के हे। जिहां के स्कूली लइका मन ह नदी के गंदा पानी पीए बर मजबूर हे। हालांकि स्कूल म हैंडपंप हवय लेकिन ओखर ले फ्लोराइड युक्त पानी निकलत हे। जेखर ले लइका मन के स्वास्थ्य म बुरा असर पड़त हे। जादातर लइका मन के दांत ह गंदा अउ टेढ़ा होगे हे। जेखर सेती अब स्कूल के लइका मन हैंडपंप के पानी न पी के नदी के पानी ल पीए बर मजबूर हे।
लइका मन के दांत होगे खराब…..स्कूल के प्रधान पाठक चंद्रशेखर प्रसाद ह बतान के हैंडपंप के फ्लोराइड युक्त पानी पीए ले स्कूल के लइका मन के दांत खराब हो चुके है। ए लइका मन ल कतको बेर अंबिकापुर ले जाके दांत के जांच कराय जा चुके हे। उमन बताइस के मामला के सिकायत संबंधित अधिकारी मन ले क रेगिस हे, लेकिन आज तक ए समस्या के कोनो समाधान नइ करे गिस।

लइका मन कहिन…. उंखर दांत टेढ़ा होगे हे……. लइका मन ल ह बताइन के स्कूल म लगे हैंडपंप के पानी के स्वाद बहुत ही खराब हे। जेखर ले कारन उमन या त घर आके पानी पीना पड़त हे या उमन ल नदी किनारे गड्ढा बनाके ओमा जमा पानी पीना पड़थे। उमन ये घलो बताइन के पहिली उमन ह हैंडपंप के पानी ल पियत रहिन हे, जेखर कारन उमन दांत टेढ़ा होगे हे।

का कहिन अफसर मन ….. एती लोक स्वास्थ्य यांत्रिकी विभाग के इंजीनियर विनोद केरकेट्टा ह बताइइस के हैंडपम्प के पानी के सैंपल ले लेय गिस हे अउ जांच बर लैब भेजे गेहे। जांच रिपोर्ट आए के बाद पानी के गंदा होए के कारन मन के पता चल सकही।