खास खबर…..ट्वीटर म छलकिस भूपेश के दर्द,  कहिन के “ मैं हंसत हुए दिल्ली जात हव,  हंसत हुए आऊं,  आघू जे भी जुम्मेदारी मिलही …..”

रायपुर। भूपेश बघेल ह दिल्ली जाए के पहिली अपन ट्वीटर म अपन एक मुस्कुरात हुए तस्वीर पोस्ट करे हे। जेमा मुस्कुरत हुए जाए अउ आए के बात कहिन। अउ संगे संग ए घलोक बताइस के छत्तीसगढ़ म बहुमत लाए म उंखर सबले जादा योगदान हे। ए पोस्ट ल धियान से पढ़े जाए त एमा भूपेश के दर्द छलक थे। काबर के उंखर नेतृत्व तुनाव लड़े गेह,अउ भारी बहुत घलो आइस।  लेकिन मुख्यमंत्री पर उंखर नाम म अंड़गा आवत हे। शायद उमन ल अहसास हो चुके हे के कुर्सी उंखर हाथ ले निकल गेहे। तभे उमन अपन पोस्ट म कहिन के  ‘जे तरह ले मैं हंसत हुए दिल्ली जाच हव, अइसने हंसत हुए आऊं।

धियान देके बात हे के दिल्ली जाए के पहिली भी भूपेश बघेल ह ट्वीटर म अपन एक मुस्कुरात हुए तस्वीर पोस्ट करिन। अउ लिखिन के ‘जे तरह ले मैं हंसत हुए दिल्ली जाच हव, अइसने हंसत हुए आऊं। आज राज्य बर , हम सब बर बहुत बड़ दिन हे।  जे निरनय होही अच्छा होही। आलाकमान  ह मोला बहुमत लाए के  जुम्मेदारी दिस, अब आघू जे भी जुम्मेदारी मिलही, ओखर  मैं ईमानदारी के संग निर्वहन कर हूं।’ ए पोस्ट के जरिए कहीं न कहीं बघेल ह ए घलोक कहे के  कोसिस करे हे के प्रदेस म मिले भारी बहुमत म उंखर सबले बड़ योगदान हे।  उमन एखर   जुम्मेदारी मिलीस अउ उमन  इला निभाइस।