खास खबर ….  पाछु के दरवाजे ले संसद  म जाए के बजाए कोरबा लड़े के तइयारी म ओपी ….

रायपुर । आईएएस के नउकरी छोड़के राजनीति म आए  अउ सबले कठिन क्षेत्र ले चुनाव लड़ के कांग्रेस ल चुनउती देवइया ओपी चौधरी ह अपन प्लान B म घलो  काम करना सुरू कर दिस हे।  खरसिया म कांग्रेस ल पहिली बार पसीना बहाय म मजबूर कर देवइया ए नउकरशाह ह अपन जीत के प्रति आश्वस्त  नजर आवत हे।

ओपी चौधरी ह कलेक्टरी छोड़ के राजनीति म कदम जरूर रखिस हे, लेकिन उंखर काम करे के सैली म कोनो बदलाव नइ आए हे।  उमन पहिली प्लान ए के तहत विधानसभा क्षेत्र खरसिया ले  चुनाव लड़िस हे। अब अपन जीत प्रति  काफी आश्वस्त होए के बाद  भी उमन प्लान B म काम सुरू कर दिस हे।   मिले  जानकारी म यदि ओपी चौधरी खरसिया ले चुनाव हार जाथे त उमन राज्यसभा जइसे पाछु के दरवाजा ले संसद  म जाए के बजाए  लोकसभा चुनाव लड़ के संसद म जाना पसंद करत हे  अउ उमन  एखर बर कोरबा संसदीय क्षेत्र अभु ले चुन लिस हे।  भाजपा  के सूत्र मन के मानन त विधानसभा परिनाम अनुकूल यदि नइ होही  त उमन कोरबा ले सांसद के चुनाव लड़ सकत हे।  कोरबा संसदीय क्षेत्र हालांकि बड़े हवय,  लेकिन आसपास  म इही  एक संसदीय क्षेत्र हे जे सामान्य हे।

ओपी चौधरी ह खरसिया के विधानसभा चुनाव म बड़ी सिद्दत ले जीते बर ही चुनाव लड़िस। अउ उमन ल खरसिया ले चुनाव जीते के पूरा भरोसा घलो हे।  लेकिन चुनाव  दउरान कुछु एक घटना के कारन  भाजपा के एक वर्ग ल लगथे के  उमन  चुनाव नइ जीत पाही।  जइसे कहर बन के टूटने वाला बयान, बुनगा गांव म ग्रामीन मन ले कथित मारपीट जइसे कतको घटना  ह चुनाव के संग उंखर छवि  ल घलो  प्रभावित करिस हे।  एखर संग  संगठन अउ  चौधरी के बीच तालमेल नइ  बइठ पाए ले पार्टी के एक वर्ग उंखर ले छिटक गे। हालांकि ए  बेसय  म कोनो खुल के बोले  बर तइयार नइए , लेकिन अंदरखाना ले  ए तरह के खबर  मन निकल के आवत हे ।  जेखर ले ओपी अउ उंखर समर्थक मन घलो वाफिक हे लेकिन  उंखर मानना हे के खोला क्षेत्र ले जइसे लीड के उम्मीद  रहिस हे वो  मिलही एखर संभावना कम नजर आवत हे।