खेल भावना के संग खेल कौशल दिखथे, त जादा मजा आथे : भूपेश

वन खेल प्रतियोगिता के दीप प्रज्जवलित कर सुभारंभ करिन सीएम बघेल ह

रायपुर। मुख्यमंत्री भूपेश बघेल ह स्वामी विवेकानंद स्टेडियम कोटा म 24वीं अखिल भारतीय वन खेल प्रतियोगिता के दीप प्रज्जवलित कर सुभारंभ करिन।  मुख्यमंत्री बघेल ह प्रतियोगिता के उपचारिक सुभारंभ के घोषणा के बाद मशाल प्रज्जवलित करे गिस। केन्द्रीय वन, पर्यावरण एवं जलवायु परिवर्तन मंत्री डॉ. हर्षवर्धन ह सुभारंभ समारोह के अध्यक्षता करिन।

अखिल भारतीय वन खेलकूद प्रतियोगिता  के आगाज  बुधवार के संझा होइस । जेमा  छत्तीसगढ़ के उत्कृष्ट प्रदरसन करइया खिलाड़ी मन ह मशाल जलाइस । ए प्रतियोगिता म देश के विभिन्न राज्य, केन्द्र सासित प्रदेस अउ अखिल भारतीय स्तर के वानिकी अउ जैव संबंधी संस्थान मन के दो हजार 400 खिलाड़ी हिस्सा लेवत हवय। समारोह म मसाल जलाए के बाद खिलाड़ी मन ह आकर्षक मार्चपास्ट करिन।  किया। ए मार्च फास्ट के मुख्यमंत्री बघेल  ह सलामी लीन।

प्रतियोगिता म हिस्सा लेवइया खिलाड़ी मन के छत्तीसगढ़ के जनता के ओर  ले अभिनन्दन करत हुए मुख्यमंत्री बघेल  ह कहिन के,  स्पर्धा म भाग लेवइया खिलाड़ी मन छत्तीसगढ़ के समृद्ध संस्कृति अउ भाईचारा के भावना के मधुर स्मृति लेक  लउटही।

श्री बघेल ह  कहिन के खेल के मइदान म खेल भावना के संग  खेल के कउशल दिखे बर मिलथे त जादा मजा आथे। उमन कहिन के खिलाड़ी मन आगामी चार दिन तक छत्तीसगढ़ म रहही अउ इहां के कला संस्कृति, आचार-विचार अउ खान-पान ले परिचित होंही।

 समारोह के अध्यक्षता करत हुए केन्द्रीय वन अउ पर्यावरन मंत्री डॉ. हर्षवर्धन ह कहिन के वन विभाग के अधिकारी-कर्मचारी कठिन परिस्थिति म वन सुरक्षा के जोखिमपूरन कार्य करथे। चुनउतीपूरन कार्यों के बावजूद अधिकारी-कर्मचारी खेल गतिविधि मन म हिस्सा लेवत हे। ए  प्रशंसनीय हवय। डॉ. हर्षवर्धन  ह कहिन के,  जीवन म बढ़िया स्वास्थ्य के महत्व सबले जादा होथे।

वन मंत्री मोहम्मद अकबर ह कहिन के खेल म सम्पूरन मानव जाति  ल एकसूत्र म बांधे के ताकत होथे। खेल ले अनुसासन के संग-संग सहयोग अउ एकता के भावना  विकसित होथे। अकबर ह कहिन के  वन मन के सुरक्षा के कार्य एक टीम के रूप म करे जाथे।