“चुनाइ युद्ध के रनभेरी बज चुके हे, हर बूथ म मोरचा संभालय थल सेना ह ”

34 विधानसभा के कारयकरता मन के बइठक ल संबोधित करिन प्रदेश प्रभारी डॉ. अनिल जैन ह
रायुपर। भारतीय जनता पार्टी के राष्ट्रीय महामंत्री अउ प्रदेस प्रभारी डॉ. अनिल जैन ह शुक्रवार को राजधानी रायपुर के भाजपा कारयलय एकात्म परिसर म रायपुर-दुर्ग सम्भाग के 11 जिला के 4 लोकसभा क्षेत्रों अउ 34 विधानसभा के करयकरता मन के बइठक ल संबोधित करत हुए कहिन के युद्ध के रनभेरी बज चुके हे। विजय के संकल्प के संग येखर बर मनयोग ले जुट जाय। चुनाइ युद्ध म दूनों तरफ के सेना मन अपन साजो समान के संग होथे। लेकिन जीत ओखरे होखे जे ह विजय के संकल्प के संग लड़थे। हमन विजय के संकल्प के संग चुनाइ युद्ध के मइदान म उतरे बर तइयार हन। 
उमन कहिन के छत्तीसगढ़ म आप मन के संकल्प ले ही लगातार तीन बार विजय मिले हे। अब के बार घलो विजय के संकल्प हमार सक्ति हे। डॉ. जैन ह कहिन के ये तरह संकल्पित होके सरकार बनाय अउ प्रदेस व देस के विकास करत हुए मानव कल्यान म जुटे रहव। बइठक म प्रदेस महामंत्री संतोष पाण्डेय, रामप्रताप सिंह, मंत्री बृजमोहन अग्रवाल,अजय चंद्राकर, प्रेमप्रकाश पाण्डेय,  राजेश मूणत, रमशीला साहू, सांसद चंदूलाल साहू, अभिषेक सिंह  समेत दूनों संभाग के पदाधिकारी, विधायक, जिलाध्यक्ष, महामंत्री  जिला प्रभारी उपस्थित रहिन हे।