चोर नइ पकड़ाइस त बैंक कर्मी मन ल ही थाना म बइठा दीस पुलिस ह

पद्मिनी मरावी, कोरिया। सहकारी बैंक ले पौने तीन लाख रुपिया के खराब नोट चोरी करइया चोर मन ल पुलिस  अभउ तक नइ पकड़ पाइस।  एती पुलिस के कार्रवाई के कारन सोमवार के दिन भर जिला सहकारी बैंक म पुलिस पूछताछ के नाम म पूरा बैंक के कामकाज ठप्प  पड़गिस।  जबकि एएखर पहिली पुलिस ह शनिवार संझा कन सबो बैंककर्मी मन ल सिटी कोतवाली म बुलाके बइठाय ऱखिस।  बता दन के चोर मन ह  बैंक ले पौने तीन रुपिया के खराब नोट पार कर देहे। खास बात ए हे के  चोर, बैंक के अंदर दाखिल कइसे होइस ।  एखर जानकारी बैंककर्मी नइ दे पात हे अउ ना पुलिस ह पता लगा सकिस।  पुलिस के ए कार्रवाई ले बैंककर्मी मन अउ  उंखर परिजन परेसान हे।

बैंक म 28 नवम्बर के चोरी की वारदात करइया चोर मन ल पकड़े बर पुलिस लगातार पूछताछ करे संग ही पतासाजी  घलो करत हे। इहां सिलसिला म  शनिवार रात बैंककर्मियों ल सिटी कोतवाली म पूछताछ  बर  बुलाइस । इमन ल रविवार के घलोक बइठाए रखिस हे।  एखर बाद 5 कर्मचारी मन ले पूछताछ के बाद छोड़ देय गिस।  उहें दो कर्मचारी मन ल वर्तमान म थाने मा ही रखे गिस।  थाना म र्बैंक के चपरासी रामनारायण अउ नरेश रहिस हे। ए मामला म पुलिस अधिकारी कुछु  कहे ले बचत हे।  फिलहाल पुलिस अपराधी के पहचान करे म समय लेवत हे।  लेकिन उंखर ए कार्रवाई ले बैंककर्मी सहित उंखर परिजन मन के परेसानी बढ़ गिस हे।  ।