छत्तीसगढ़ विधानसभा अध्यक्ष  महंत के सक्ती म भव्य स्वागत

जांजगीर-चांपा । छत्तीसगढ़ विधानसभा अध्यक्ष चरणदास महंत के छत्तीसगढ़ विधानसभा अध्यक्ष बने के बाद पहिली बार सक्ती पहुंचे म विधानसभा सक्ती के मनखे मन ह भव्य स्वागत करिन। सक्ती विधानसभा के मनखे मन ह जगह-जगह आतिशबाजी अऊ महामाला पहिना के विधानसभा अध्यक्ष महंत ल सम्मानित करिस। विधानसभा अध्यक्ष ह सक्ती विधानसभा के मनखे मन कोति ले अभूतपूर्व स्वागत करे म ऊंखर प्रति आभार व्यक्त करिन।

ओकर बाद विधानसभा अध्यक्ष ल स्थानीय विश्राम भवन के मइदान म गार्ड आफ ऑनर दे गीस। ए अवसर म नगर पालिका के अध्यक्ष  श्याम सुंदर अग्रवाल, राजेश अग्रवाल, पूर्व विधायक मोतीलाल देवांगन, चुन्नीलाल साहू, कलेक्टर नीरज बनसोड़, जिला के पुलिस अधीक्षक आर.एन. दास, जिला पंचायत के सदस्यगण  टेकचंद चन्द्रा, अमित राठौर अउर श्रीमती रश्मि गबेल, श्रीमती शशिकांता राठौर, घनश्याम पाण्डेय, ठाकुर गुलजार सिंह,  विवेक सिसोदिया,  मनहरण राठौर अउ मीडिया के प्रतिनिधिगन संग बड़ संख्या म नगरवासी अऊ ग्रामीन मन उपस्थित रहिन।