जंगल सफारी के अनाथ तेंदुए ल गोद लिही क्रिकेटर केविन पीटरसन ह

रायपुर । जंगल सफारी के एक अनाथ तेंदुए ल गोद ले बर इंग्लैंड के प्रसिद्ध क्रिकेटर केविन पीटरसन ह आज जंगल सफारी गिस। एखर पहिली वोह आज बिहनिया मुख्यमंत्री डॉ. रमन सिंह ले मुलाकात करिन। ए बखत सीएम ह ओला नया रायपुर के जंगल सफारी के बारे म बताइस अउ किहिस कि जंगल सफारी ल घूम के अवव। ए मौउका म सीएम ह पीटरसन ल बैट गिफ्ट करिस हे। ऐखर संग केविन ल एक मोमेंटो घलो दीस हे। दूनों झन ह थोड़कर गोठियाइस भी हे। दोपहर के पीटरसन ह जंगल सफारी गिस। एखर बाद मीडिया ले गोठ करत सवाल मन के जवाब दिस।
अनाथ जानवर मन ल बचाए अउ उंखर रिहैबिलिटेशन प्रोग्राम्स ले जुड़े केविन के रायपुर दौरा ल महत्वपूर्ण माने जात हे। जानकारी के अनुसार पीटरसन ह एक खास मिशन बर रायपुर आइस हे। गौरतलब हवय कि क्रिकेट ले संन्यास ले के बाद केविन पीटरसन सोशल मीडिया म काफी सक्रिय हवय। वोह अनाथ जानवर मन ल बचाए अउ उंखर रिहैबिलिटेशन प्रोग्राम्स ले जुड़ गेहे। उंखर सरोई (SAROI–सेव अवर राइनोस) कार्यक्रम दुनिया म जानवर मन के संरक्षणबर गजब के लोकप्रिय हवय। सरोई के माध्यम ले केविन ल जंगल सफारी म एक अनाथ तेंदुए के बारे म पता चलीस हे। जेखर बाद वोह ए तेंदुए बर कुछ करना चाहत हवय। पाटरसन ह एखर बारे म पूरी जानकारी जुटाआ हवय। चरचा हवय कि वोह एला गोद ले के तैयारी म हवय।