रायपुर । कांग्रेस के जन घोषणा पत्र लोगन केजिंदगी म कतना असर डालही ए बात अब प्रदेस के सरकारी कर्मचारी अउ विभाग मन उपर टिकेहे। मु्ख्यमंत्री बने के बाद भूपेश बघेल ह घोषणा पत्र चीफ सेक्रेट्री अजय सिंह ल देदिस हे। अजय सिंह ले कहे गेहे के घोसना पत्र म लिखे गे बात मन ल लागू करवाय के काम करय। सोमवार के देर संझा मुख्यमंत्री चीफ सेक्रेट्ररी ले मिलिन अउ उंखरले घोसना पत्र ल लेके चरचा करिन।
जन घोसना पत्र के मुताबिक हर नक्सल प्रभावित पंचायत ल सामुदायिक विकास कार्य बर एक करोड़ रुपिया दे जाए। जेखर ले विकास के माध्यमले उमन ल मुख्य धारा म जोड़े जा सकय। राज्य म पत्रकार मन, वकील मन अउ डाक्टर मन के संरक्षन बर विशेष कानून बनाए जाही। पत्र म घरेलू खपत बर बिजली के बिल आधा करे अउ सहरी अउ ग्रामीन परिवारबर आवास के प्रावधान अउ भूमि देय के वादा करे गेहे। कांग्रेस ह अपन घोसना पत्र म हर महीना केवल एक रुपियाके दर ले प्रत्येक परिवार ल 35 किलो चावल दे के घोसना करे हे। उहें , घर-घर रोज़गार, हर घर रोज़गार के तहत पत्र म युवा मन बर कायर्क्रम अउ रोजगार के अवसर ल रेखांकित करे गेहे। एखर संग ही सरकार वित्तीय सहायताबर राजीव मित्र योजना के तहत 10 लाख बेरोजगार युवामन ल मासिक अनुदान के प्रावधान करही।एही तरह के कतको तरहके वादा करे गेहे जेला लागू करे बर अधिकारी- कर्मचारी मन ल जुम्मेदारीदेय जात हे।
No Comment! Be the first one.