जब गांव के स्मारट क्लास क्लास म पहुंचिस मुख्यमंत्री रमन ह

रायपुर। मुख्यमंत्री डॉ. रमन सिंह प्रदेशव्यापी लोक सुराज अभियान म बलौदाबाजार-भाटापारा जिला के ग्राम कोसमकुण्डा म समाधान शिविर म शामिल होए के बाद उहां के प्राथमिक अउ मिडिल स्कूल म घलो पहुंच गे । इहां उमन ह मिडिल कक्षा मन के लइका बर संचालित स्मारट क्लास ल देखिस अउ क्लास के लइका मन के बीच म बैठक पढ़ाई के जायजा लिस। शासकीय पूरव माध्यमिक शाला के सातवीं कक्षा म मुख्यमंत्री ह लइका मन ले स्मारट क्लास के पढाई के फायदा के जानकारी लीस। लइका मन बताइस कि स्मारट क्लास के जरिए पुस्तक मन के मुकाबला अच्छी तरह ले विषय ले संबंधित जानकारी समझ म आवत हे। एलईडी स्क्रीन म चित्र मन के सहायता ले पढाई आसान लगने लगीस हे। मुख्यमंत्री डॉ. सिंह ह लइका मन ल खूब मेहनत अउ मन लगाके पढ़ाई करे के समझाईश दीस अउ लइका मन ल पढाई लिखाई बर जानकारी लीस। ये दउरान बिना डर के जवाब देवइया लइका मन शाबाशी दीस सीएम ह । पूरव माध्यमिक शाला के शिक्षक मन ह बताइस कि छठवीं, सातवीं अउ आठवीं कक्षा के विद्यार्थी मन के अंग्रेजी अउ गणित के बेसिक जानकारी एलईडी स्क्रीन के जरिए पढ़ाई जारी हवय। मुख्यमंत्री ह प्राथमिक स्कूल के कक्षा पहिली अउ दूसरी के लइका मन ले पढ़ाई लिखाई की जानकारी लीस अउ उँखर उत्साहवर्धन करिस। उमन ह अपन निरीक्षण के दउरान स्कूल मन ल लगाए गे बायोमेटिक मशीन म शिक्षक मन के उपस्थिति दरज कराइस।