जांजगीर जावत कांग्रेसी मन ल बीच रद्दा म हिरासत म लीस पुलिस ह

रायपुर। राजधानी रायपुर के राजीव भवन म बिहनिया 10 बजे बड़ संख्या म जांजगीर जाय बर कांग्रेसी मन रवाना होइस। लेकिन बीच राद्दा म पुलिस ह रोके गिरप्तार कर लीस।
प्रधानमंत्री नरेंद्र मोदी के जांजगीर दउरा के दउरान कांग्रेस के प्रस्तावित विरोध के मद्देनजर पुलिस बेहद सतरक नज़र आवत हे। पूरे प्रदेस ले बड़ नेता मन ल जांजगीर पहुंचे के निरदेश मिलिस हे, लिहाज़ा पुलिस अउ इंटिलिजेंस के कान खड़े हे। कांग्रेसी प्रधानमंत्री नरेन्द्र मोदी ल काला झंडा ना दिखा सकय। येखर बर पुलिस अधिकारी मन ह कांग्रेस के सीनियर लीडर मन के गिरफ्तारी घलो सुरू कर दीस हे। धमतरी ले विधायक गुरुमुख सिंह होरा, रायगढ़ ले कांग्रेस के सीनियर लीडर समेत दरजन भर कार्यकर्ता मन ल अरेस्ट करे गिस हे। प्रदेस के अन्य जगह मन ले घलो कांग्रेस नेता मन के गिरफ्तारी के खबर आवत हे। बिलासपुर म कांग्रेसी मन उपर होय लाठी चार्ज के विरोध म सबो कांग्रेस के कार्यकर्ता विरोध प्रदर्शन के रूप म कारिया कपड़ा पहिन के अउ गाड़ी म कारिया झंडा लगाके बिहनिया ले निकलत हे। प्रदेस कांग्रेस कमेटी के अघ्यक्छ भूपेश बघेल के नेतृत्व म गाड़ी मन के काफिला रायपुर ले बलौदाबाजार शिवरीनारायण रोड होवत हुए जांजगीर जाही । प्रदेश अध्यक्छ के काफिला ल बीच रद्दा म पुलिस रोके के तइयारी करे हे।