जिला कोर्ट म सरेंडर करिस कैलाश मुरारका ह …..कहिन…भूपेश बेदाग …समय आय म बहुत कुछु राज खोल हूं

रायपुर। छत्तीसगढ़ के एक मंत्री के कथित सेक्स सीडी मामला म सीबीआई जांच म मुख्य आरोपी कैलाश मुरारका ह रायपुर जिला कोरट म सरेंडर कर दिस। आरोपी मुरारका ल ये मामला म कोरट म जमानत याचिका घलो दायर करिस। कोरट ह एक लाख रुपिया के निजी मुचलका म आरोपी कैलाश मुरारका ल बुधवार के जमानत दे दीस। जमानत के बाद भाजपा ले निष्कासित नेता कैलाश मुरारका ह कहिन के सीडी कांड ले प्रदेश कांग्रेस अध्यक्छ भूपेश बघेल के कोनो लेना-देना नइए। उमन पाक-साफ हे। आघू मुरारका ह कहिस के मैं ह समाज के मुखिया ल राम मानथव। लेकिन मोला इहां ले धोखा मिलिस हे। उमन कहिन के उमन ल न्यायालय उपर पूरा भरोसा हे, उमन ह कोरट के फइसला के सम्मान करथव। मुरारका ह कहिन के आवइया समय म कुछु राज खोल हूं। मैं ह सीबीआई ल सबो बात बता दे हव।