जिला न्यायालय परिसर म सार्ट सर्किट  के चलत आगी लगिस

रायपुर । रायपुर जिला न्यायालय परिसर म सार्ट सर्किट के चलत आगी लग गिस । मउका म पहुंचे फायर ब्रिगेड़ के टीम ह आगी म काबू पा लिस हे । कोर्ट परिसर के शारदा कैंटीन म आगी लगिस हे । मिले जानकारी म अंदर कैंटीन म गैस सिलेंडर घलो रखे रहिस हे,  यदि फायर ब्रिगेड़ के टीम नइ पहुंचतिस  त एक बड़े हादसा हो सकता रहिस हे । फायर फाइटर स्टीफन ह बताइस के हमन ल डायल 112 के जरिए जानकारी मिलिस । हमन मउका म पर पहुंचेन । रोड ले धुंआ देख के हमन पता चल गिस के इहां आगी लगे हे । आगी लगे के वजह शार्ट सर्किट या  कुछु अउ हो सकत हे । हमन आगी ल काबू कर लेन ।