जीत के बाद सरोज पांडेय कहिन कि …मिशन 65 के लक्ष्य ल पूरा करूं हूं

रायपुर। छत्तीसगढ़ के नवनिर्वाचित राज्यसभा सांसद सरोज पाण्डेय ह कहिन कि मैं शुरू ले चुनौती के सामना करत आवत हव। अउ हमेशा ले संघरस ल नेवता देवत आए ह। ये परिणाम इही चुनौती मन अउ संघरष के परिणाम हे, जो आपंन सबो सामने हे। राजनीति म एक बेहतर युग के शुरूआत होनी चाही। ये बात ल ओ ह चुनाव परिणाम आए के बाद पत्रकार मन ले चरचा दउरान कहिस।
राष्ट्रीय महामंत्री पांडेय कहिन कि पारटी आलाकमान ले जो जवाबदारी सौंपे जाही ओला जवाबदारी ले निभा हूं। अउ देश हित, राज्य हित म काम करूं हूं । उमन कहिन कि मैं भाजपा के राष्ट्रीय अध्यक्ष अमित शाह के मिशन 65 के लक्ष्य ल पूरा करे के कोशिश करूं हूं। ओ ह मुख्यमंत्री डॉ रमन सिंह अउ पारटी राष्ट्रीय अध्यक्ष अमित शाह ल साधुवाद दिस हे। सरोज पांडे ह कहिन कि छत्तीसगढ़ के मुद्दा मन ल सभा म उठा हूं। एखर अलावा राज्य के बेहतरी बर जो सकय ओला करे बर मैं तत्पर हव।