झीरमघाटी हमला जांच बर  एसआईटी के गठन…10 सदस्यीय टीम के कमान आईजी विवेकानंद के हाथ म…

रायपुर। कांग्रेस सरकार ह झीरम घाटी कांड के जांच बर एसआईटी गठित कर दीस हे। 10 सदस्यीय गठित टीम म बस्तर रेंज के आईजी विवेकानंद सिन्हा ल टीम के प्रभारी बनाय गिस हे। टीम म सामिल अन्य सदस्य मन म डीआईजी नक्सल अभियान पी. सुंदरराज, एसपी, सुरक्षा वाहिनी माना एमएल कोटवानी, उप सेनानी तीसरी वाहिनी अमलेश्वर दुर्ग गायत्री सिंह, डीएसपी सरायपाली राजीव शर्मा, टीआई रायपुर आशीष शुक्ला, टीआई विशेष साखा प्रेमलाल साहू, रिटायर्ड डीएसपी नरेन्द्र शर्मा, विधि विशेषज्ञ एएन चतुर्वेदी, विधि-विज्ञान विशेषज्ञ डॉ.एमके वर्मा ल सामिल करे गेहे।

ज्ञात हो के मुख्यमंत्री भूपेश बघेल ह सीएम के कुर्सी संभात ही सपथ के बाद झीरमघाटी नक्सल हमला के जांच बर एसआईटी गठित करे के बात कहे रहिस हे। सीएम भूपेश बघेल विगत दू दिन ले  बस्तर के दउरा म हे ।

कांग्रेस ह 1 जनवरी के कैबिनेट के बैठक म एसआईटी गठन ल मंजूरी दीस। एक दिन बाद आज 2 जनवरी के गृहमंत्री ह पुलिस अधिकारी मन के बइठक के बाद एसआईटी के गठन कर दिस। कांग्रेस ह घोसना -पत्र म झीरम कांड म एसआईटी गठित कर जांच कराय के बात कहे रहिस हे।