टीवी म विज्ञापन….. भाजपा ले काफी पीछू रहिन पान मसाला, साबुन, होटल कारोबार

रायपुर । भारतीय जनता पार्टी के विज्ञापन टेलीविजन म  ए सप्ताह म सबले जादा  बार प्रसारित करे गिस। इहां तक के विमल पान मसाला, हिंदुस्तान यूनिलीवर, रैकिट बेंकिसर, अमेजन, नेटफ्लिक्स अउ ट्रिवॉगो जइसे बड़े कंपनियां  मन ह भाजपा ले काफी पीछू रहीन।

चुनाव के चलत विज्ञापन देय के मामला म भाजपा ह व्यवसायिक कंपनी मन ल  पछाड़ दिस। अउ टीवी चैनल मन म  दिखाय गे विज्ञापन मन म बीजेपी ए सप्ताह शीर्ष स्थान म रहिस हे।

जनता मन उपर विज्ञापन के गहरा असर होथे।  ए वजह  ले भाजपा ह जनता ले जुड़े अउ उन तक पहुंचे बर टेलीविजन चैनल म विज्ञापन मन के झड़ी लगा दीस । इहां तक पाछू सप्ताह सबले जादा विज्ञापन देय के मामल म पहिली स्थान पर रहिस हे। जबके व्यवसायिक कंपनि मन के विज्ञापन भाजपा ले आधा रहिस।

ब्राडकास्ट ऑडियंस रिसर्च काउंसिल (बार्क)  के एक रिपोर्ट म भाजपा पाछू सप्ताह विज्ञापन देय के मामला म  नंबर वन पर रहीस।  ये मामला म  भाजपा ह कतको मशहूर कंपनी मन ल घलोक पाछू छोड़ दिस हे है। हिंदुस्तान यूनिलीवर, रैकिट बेंकिसर, अमेजन, नेटफ्लिक्स, विमल पान मसाला अउ ट्रिवॉगो घलो ए बखत  टीवी म विज्ञापन देने के मामला म भाजपा ले काफी पाछू होगे।

भाजपा के विज्ञापन टीवी  म 22,099 बार प्रसारित……. भाजपा के तरफ ले विभिन्न टीवी चैनल मन म  22,099 बार विज्ञापन प्रसारित करे गिस । दूसर स्थान म नेटफ्लिक्स रहिस हे जेखर विज्ञापन 12,951 बार प्रसारित होस । तीसर स्थान  म ट्रिवागो, चउथा म संतूर अउ पांचवां म  डेटॉल साबुन रहिस हे। रोचक बात ए हे के  एखर पाछू सप्ताह  म विमल पान मसाला नंबर वन पॉजिशन म रहे रहिस हे लेकिन भाजपा ह ए दफा पछाड़ दिस।