ट्रेन ले कट के बुजुर्ग के मउत

रायपुर। सरस्वती नगर स्टेशन के पहिली आमानाका ब्रिज के तीर शनिवार के ट्रेन के चपेट म आए ले एक बुजुर्ग के मउत हो गिस।  मउवका म  पहुंचे पुलिस  ह अभे स्पष्ट नइ करे हे के बुजुर्ग ह आत्महत्या करिस के या ट्रेन लेसे गिरिस हे। पुलिस सव बरामद कर एखर पहिचान करे म जुट गेहे। बता दन के शनिवार दुपहर 2 बजे लोगन ह पुलिस ल सूचना दीन के एक बुजुर्ग के सव सरस्वती नगर रेलवे स्टेशन के पहिली आमानाका ब्रिज के तीर पड़े हे।  पुलिस ह सूचना के बाद मउका म  पहुंचके सव ल बरामद कर लिस। प्रत्यक्षदर्शियों के मुताबिक बुरी तरह ट्रेन के चपेट म आए ले  बुजुर्ग के एक पइर कट गेहे। पुलिस ने सव ल पीएम बर  अस्पताल भेज देय हे। पुलिस के अनुसार बुजुर्ग के उम्र करीबन 60 बरस के आसपास होही।  बहरहाल पुलिस मामला म मर्ग कायम कर जांच म लीस हे।