डीएलएड परीक्षा दे बर 30 सिक्षक मन के पर्स चोरी……वापिस घर जाए बर घलो  रुपिया नइ रहिस हे

बिलासपुर। नगर के एक विद्यालय म शनिवार को पात्रता परीक्षा (डीएलएड) दे बर आए 30 सिक्षक मन के पर्स चोरी हो गे। पर्स म मोबाइल समेत नगदी रुपिया रहिस हे। कई सिक्षक मन के तर वापिस घर जाए बर घलो रुपिया नइ रहिस हे।

शनिवार के डीएलएड के परीक्षा आयोजित करे गिस हे। नगर के राष्ट्रीय मुक्त विद्यालय म परीक्षा केन्द्र बनाय गिस। परीक्षा सुरू होय के पहिली  सबो सिक्षक मन के पर्स प्राचार्य के कक्ष म रखवा देय गिस।  मोबाइल घलो संग म ले जाए के  अनुमति नइ रहिस हे।

ए वजह ले मोबाइल म उहें छोड़ देए गिस।  परीक्षा खत्म होय के बाद सिक्षक पर्स ले बर  प्राचार्य के कक्ष म पहुंचिन त  उहां पर्स अउ मोबाइल गायब रहिस हे। सिक्षक मन  हड़बड़ा गे अउ एखर  सिकायत प्राचार्य ले करे बर पहुंचगे। प्राचार्य ह स्टॉफ ले पूछताछ करिन एउ आस-पास तलास करिन लेकिन कुछु पता नइ चलिस। एखर बाद  प्राचार्य ह एखर सिकायत तखतपुर थाना म करिन। । बताये गे हेके  पर्स म सिक्षक मन के जरुरी कागजात के संग नगदी रुपिया रहिस हे।  सिक्षक मन के तीर घर जाए बर  भी रुपिया नहीं रहिस हे।