डॉ. मृणालिका ओझा “छत्तीसगढ़ नवरत्न सम्मानः” ले सम्मानित

    रायपुर। छत्तीसगढ़ कला वैभव शोध संस्थानम्,  रायपुरम् के संयोजक  ओंकार सिंह ठाकुर ह अपन जन्मदिन अउ संस्थानम्  के स्थापना दिवस म सरोना स्थित विराट भवन म आयोजित एक गरिमामय कार्यक्रम म डॉ. मृणालिका ओझा  समेतत अन्य चयनित साहित्यकार मन ल “छत्तीसगढ़ नवरत्न सम्मान” सम्मान ले सम्मानित करे गिस। एखर संग ओंकार सिंह ठाकुर के पुस्तक मन के विमोचन  उपस्थित सम्माननीय अतिथि मन ह करिन।

     ये प्रमान पत्र के एक प्रमुख विसेसता ए हवय के, ए ह संस्कृत म लिखे गेहे। ए ह  संस्कृत ल पुनः स्थापित करे के दिसा म एक महत्वपूर्न अउ अनुकरनीय पहल घोक हे। कार्यक्रम म उपस्थित विद्वान मन ह छत्तीसगढ़ के प्राचीन अउ वर्तमान स्थिति म अपन विचार व्यक्त करिन ।

     कार्यक्रम के मुख्य अतिथि  शिव कुमार पाण्डेय रहिन हे अउ  अध्यक्षता महंत राम सुंदर दास ह करिस हे। कार्यक्रम के विसिस्ट अतिथि आचार्य बालचंद्र कछवाहा, डॉ. रमेन्द्र नाथ मिश्र अउ डॉ. रामकुमार बेहार रहिन हे। ए अवसर म राजेंद्र ओझा, डॉ. महेंद्र ठाकुर, आरपी गुप्ता, घनाराम साहू  आदि साहित्यकार उपस्थित रहिन हे। कार्यक्रम के संचालन गोपाल सोलंकी अउ धन्यवाद ज्ञापन चेतन भारती ह करिस हे।