तत्व केयर फाउंडेशन करिस हे कंबल अउ अन्न के वितरण

रायपुर। समाज सेवा म कार्यरत तत्व केयर फाउंडेशन के चेयरपर्सन स्वाति तिवारी ह गरीब लोगन मन म कंबल अउ अनाज बांटिस हे। अनाज अउ कंबल बांटे के बेरा म स्वाति तिवारी ह बताइस कि ओखर संस्था के उद्देश्य स्वस्थ, एजुकेशन अउ रोजगार बर लोगन मन ल जागरूक करे के हवय। ऐखर अलावा तत्व केयर ह सफाई, पढ़ाई म भी मदद कर थे। युवा मन ल रोजगार दिलाए बर ट्रेनिंग भी देवत हे। वो ह कहिन कि आज कंबल अउ अनाज बांटे के काम गरीबी उन्मूलन कार्यक्रम के तहत करे गिस हे। संस्था ह समाज सेवा के माध्यम से समाज के आखिरी छोर के लोग मन तक पहुंचे के प्रयास म जुटे हे। ताकि ऐखर मन के चेहरा म मुस्कान ल सकय।