तीरंदाजी म हाथ आजमाइस खेल मंत्री उमेश पटेल…

रायपुर। खेल मंत्री उमेश पटेल ह बुधवार के विभागीय समीक्षा के बाद खेल मइदान म तीरंदाजी खेल के विधा जाने के इच्छा व्यक्त करिन। फेर उमन  अफसर मन के संग  तीरंदाजी म हाथ आजमाइस।  

खेल मंत्री ल खेल सचिव सिद्धार्थ कोमल सिंह परदेशी ह नेशनल ताइक्वांडो म गोल्ड मैडल जीतइया बलरामपुर के प्रांजल के उपलब्धी मन के बारे म बताय गिस त खेल मंत्री ह अपने पीए ल तुरंत प्रांजल ले फोन लगाए बर कहिन। उमन प्रांजल ल बधाई दीस। खेल अउ युवा कल्याण मंत्री उमेश पटेल ह साइंस कालेज परिसर स्थित खेल अउ युवा कल्याण विभाग के संचालनालय म आयोजित बइठक म विभागीय गतिविधि मन के समीक्षा करिन।  उमन राष्ट्रीय स्तर म पदक विजेता खिलाडड़ी मन ल  बेहतर ले बेहतर सुविधा अउ प्रशिक्षन प्रदान करे के निरदेस दिस हे। पटेल ह बिलासपुर म खेल अकादमी प्रारंभ करे, अधिक ले अधिक युवा मन ल खेल ले जोड़े  बर कार्ययोजना तइयार करे के निरदेस अधिकारी मन दिस। उमन 36 वें अउ 37 वें राष्ट्रीय खेल मन के तइयारी बर  समीक्षा घलो करिन हे।