तेज रफ्तार ट्रक ह बाइक ल मारिस टक्कर …..महिला के ट्रक के पहिया के नीचे आय ले होगे मउत

रायपुर। राजधानी के हीरापुर चउक स्थित बंगाली होटल के तीर पाछू ले आवत  तेज रफ्तार ट्रक ह बाइक ल टक्कर मार दिस। जेखर  ले बाइक सवार महिला के ट्रक के पहिया के नीचे आय ले  मउवका म ही मउत हो गिस।

कबीरनगर थाना प्रभारी ह बताइस के ग्राम मांढर निवासी लेखराम (45) अपन रिश्तेदार मालती नायक (32) के संग अटारी आय रहिस हे। जिहाँ ले दूनों बुधवार के बिहनियां करीब साढ़े 11 बजे वापिस लउटत रहिस हे  तभे हीरापुर चउक स्थित बंगाली होटल के तीर पाछू ले आत ट्रक ह बाइक ल टक्कर मार दिस। जेखर ले बाइक म पाछू बइठे महिला गिर गिस अउ  ट्रक के पहिया के  नीचे आ गिस । घटना के बाद ट्रक चालक वाहन छोड़के फरार हो गिस । मउवका म पहुंचे पुलिस ह पंचनामा कर के सव ल पोस्टमारटम  बर भेज दिस । उहें ट्रक चालक के खेलाफ अपराध दरज कर जांच म लिस हे।