..तो क्या 10-10 हजार म पहिली ले बंट गे ये परीक्षा के परचा

रायपुर । राजधानी म लेखा परीक्षा के पेपर लीक होए के मामला सामने आइस हे। वित्त विभाग के डहर ले ये परीक्षा ले जात हे। बताए जावत हे कि, लीक हुए परचा के पांच प्रश्न परीक्षा के असल प्रश्नपत्र म शामिल हवय। रायपुर अउ बिलासपुर म सौ क्लर्क ए परीक्षा देवत हे। रायपुर के जे एन पाण्डेय शाला म घलो परीक्षा जारी हवय। सूत्र मन के कहिना हे कि , परीक्षा के परचा 10-10 हजार म बेचे गेहे। अइसे म अब परीक्षा रद्द करे के मांग उठे लगिस हे। ये खबर के मीडिया म खुलासा के बाद विभाग म हड़कम्प मच गेहे। परचा लीक होए के बात म जांच करे बर पहुंचे अधिकारी ह जवाब दे बर टाल-मटोल करिस हे। ये परीक्षा 4 माह ट्रेंनिग के बाद ले जात हे।