…….. त का एक बार फेर छत्तीसगढ़ म खिलही कमल ?

एग्जिट पोल के 11सर्वे म  बीजेपी ल 6 त  कांग्रेस ल 5 म बढ़त

रायपुर । हाल ही म छत्तीसगढ़ म विधानसभा चुनाइ बर मतदान होइस। जेखर एग्जिट पोल के नतीजा आघू आ गेहे।  छत्तीसगढ़ म फिलहाल बीजेपी के सरकार हे अउ एग्जिट पोल क मानन त एक बार फेर ले इहां बीजेपी अपन सरकार बना सकत हे। ए बार अजीत जोगी कांग्रेस ले अलग होके अपन पार्टी बना चुके हे अउ  बीएसपी ले गठबंधन करके चुनाव लड़त हे। गाहे-बगाहे ए  घलो कहे जात हे के अगर मामला त्रिकोणीय होइस त अजीत जोगी घलो सरकार बनाय के कोसिस कर सकत हे।

छत्तीसगढ़  म विधानसभा के चुनाव 12 अउ 20 नवंबर के होइस हे। 90 सीट वाले छत्तीसगढ़ म सरकार बनाय बर  46 सीट के दरकार हे। मुख्य मुकाबला भारतीय जनता पार्टी (बीजेपी) अउ कांग्रेस के बीच माने जात हे।  कुल 11सर्वे म ले 6 म बीजेपी त 5 म कांग्रेस  ल बढ़त मिलत दिखत हे।  छत्तीसगढ़ विधानसभा चुनाव म टाइम्स नाउ के मुताबिक बीजेपी ल 46 त कांग्रेस ल 35 सीट मिलत  हे।  उहें रिपब्लिक टीवी  म छत्तीसगढ़ म बीजेपी 40-48 सीट अउ कांग्रेस ल 37-43 सीट मिल सकत हे।

हालांकि इंडिया टुडे-एक्सिस के छत्तीसगढ़ के एग्जिट पोल म बीजेपी  ल 21-31 सीट अउ कांग्रेस ल 55-65 सीट मिलत  दिखाई दे हे।  न्यूज एक्स-नेटा म राज्य म बीजेपी ल 43 अउ कांग्रेस ल 40 सीट मिले के अनुमान हे। एबीपी  ह बीजेपी  ल 52 अउ कांग्रेस  ल 35 सीट मिले के बात कहिस हे।

ऐक्सिस माई इंडिया के सर्वे ह  बीजेपी ल बड़ नुकसान होत दिखत हे।  बीजेपी ल 38 पर्सेंट अउ कांग्रेस ल 45 पर्सेंट वोट मिले अनुमान जताइस।  अन्य पार्टी मन ल 17 पर्सेंट वोट मिल सकते हे? ये हिसाब ले ।  बीजेपी- 26 ,कांग्रेस- 60  अउ अन्य- 4 । सी-वोटर के सर्वे के मुताबिक, छत्तीसगढ़ म कांग्रेस ल बहुमत मिले के आसार हे। कांग्रेस ल 46 सीटे मिल सकत हे। उहें बीजेपी ल 39 सीट मिले के अनुमान हे। अन्य ल 5 सीट मिले के अनुमान हे।

न्यूज नेशन  म  कोनो  पार्टी ल पूर्ण बहुमत नइ  मिलत हे।  हालांकि, कांग्रेस ल 42 अउ बीजेपी ल 40 सीट मिलत हे।  इंडिया टीवी के सर्वे के मुताबिक, छत्तीसगढ़ म बीजेपी ल बहुमत मिलत हे। यानि 46 ले 49 सीट। उहें कांग्रेस ल 32 ले 38 त बीएसपी-जेसीसी गठबंधन ल 6 ले 8 सीट मिल जाही।  लोकनीति-सीएसडीएस के सर्वे ले देखे ल पता चलत हे , छत्तीसगढ़ म ए बार फेर बीजेपी वापिसी करत हे।  सर्वे के मुताबिक, बीजेपी ल 42 पर्सेंट अउ कांग्रेस के 37 पर्सेंट वोट मिले  के अनुमान हे। उहें अन्य पार्टी मन ल 12 पर्सेंट वोट मिल सकत हे।  टुडेज-चाणक्य के सर्वे म कांग्रेस पार्टी ल स्पष्ट रूप  ले बहुमत मिलत दिखाई देवत हे।  उहें बीजेपी के बहुमत ल 10 सीट दूर रहे  केअनुमान हे।