रायपुर । वनमंत्री मोहम्मद अकबर सोमवार दुपहर दू बजे बिलासपुर के जू कानन पेंड़ारी जाके उहां हालात के जायजा लेंही। ए जू म करीब एक हफ्ता पहिली दुरलभ प्रजाति के सफेद शेर के मउत हो गे रहिस हे। आधिकारिक सूत्र मन के अनुसार मंत्री जू के निरीक्षन करही। माने जात हे के ए दउरान सफेद शेर के मउत ले जुड़े तथ्य आघू आ सकत हे। वन विभाग के अधिकारी मन ह अपन रिपोर्ट म दावा करिन के सांप काटे ले शेर के मउत होइस हे।
मंत्री अकबर सोमवार बिहनिया सबले पहिली विधानसभा जाही। इहां ले दुपहर 12 बजे उमन बिलासपुर बर रवाना होंही। दुपहर 2 बजे उमन कानन पेंडारी जू पंहुचही। इहां उमन अधिकारी मन ले चरचा कर सफेद शेर के मउत के संबंध म अधिकारी मन ले जानकारी लिही। एखर बाद निरीक्षन करही। इहां ले रवाना होय के बाद उमन मोतमपुर सरगांव जिला मुंगेली जाही। उहां स्थानीय कार्यक्रम म सामिल होय के बाद साम पांच बजे रायपुर बर रवाना होही।
वर्ष 2008 म कानन जू प्रबंधन ह नेसनल जू दिल्ली ले सफेद बाघ के जोड़ा लाय रहिस हे। सफेद नर बाघ विजय ल बुधवार के दरसक मन बर विजिटर एरिया म छोड़े गस। दिनभर विजय कानन आवइया पर्यटक मन के धियान अपन ओर आकर्षित करता रहिन।
जू बंद होय के बाद साम पांच बजे ओला नाइट सेल्टर एरिया म रखे गिस। भोजन देय के बाद जू कीपर ह सबो वनप्राणी मन के केज म ताला लगाके चाबी कार्यालय म जमा कर दीस हे। गुरुवार केबिहनिया 8.30 बजे कर्मचारी ताला खोलिस त देखिस के नर बाघ के सरीर म कोनो हलचल नइए। बाघ के मउत के खबर ले जू प्रबंधन म हडकंप मचगे। पोस्टमारटम करइया तीनों डॉक्टर ह प्रथमदृष्टया मउत के वजह कोबरा सांप के काटे ले बताइस हे।
