दुर्ग म स्ट्रांग रूम के सीसीटीवी फुटेज गायब

दुर्ग। विधानसभा चुनाव खत्म होय के संग ही कांग्रेस  ह ईवीएम मसीन के विस्वसनीयता ल लेके  कई सवाल खड़े करिन हे।  एखर बाद निर्वाचन आयोग ह प्रेस कांफ्रेंस कर कार्रवाई करे के आस्वासन घलो दिस हे। लेकिन इहीं बीच निर्वाचन आयोग के एक बड़ लापरवाही  आघू आइस हे।  खबर मिलत हे के दुर्ग जिला के अहिवारा विधानसभा सीट के स्ट्रांग रूम के सीसीटीवी फुटेज गायब हो गिस  हे।  ए बात के जानकारी मिले के बाद ले जिला म खलबली मची हुए हे।  मामला ल लेके कांग्रेसी नेता मन ह निर्वाचन आयोग ले  सिकायत करिन हे। बता दन के ईवीएम मसीन जुनवानी स्थित शंकराचार्य कॉलेज म रखे गेहे।