दू ट्रक म जबरदस्त टक्कर …..दू के मउत

कोंडागांव। इडियन गैस कंपनी अउ नारियलले भरे ट्रक म जबरदस्त टक्कर होगे। ए टक्कर म ट्रक खलासी अउ गैस टेंकर चालक के मउकाम ही मउत हो गिस।  उहें ट्रक चालक गंभीर रूपले घायल हो गिस। घटना के जानकारी लगत ही यातायात पुलिस, सिटी कोतवाली पुलिस, दमकल वाहनअउ राजस्व अमला मउका म पहुंचिन।

मामला केजानकारी देवत हुए पुलिस अधिकारी कपिल चंद्रा ह बताइस के , 17 दिसंबर के दुपहर लगभग 1 बजे जगदलपुर के ओर  ले नारियल लेके ट्रक क्रमांक एपी 35 डब्लू 0234 कोंडागांव के ओर आच रहिस हे। उहें रायपुर ले गैस ले के टेंकर क्रमांक के ए 01 एएच 2773 जगदलपुर होवत विशाखापत्तनम जा रहिस हे। ए दउरान दूनों ट्रक व टेंकर कोण्डागांव ले लगभग 15 किमी दूरिहा दहीकोंगा के तीर  आमने -सामने  ले टकरा गिन।  

दूनों वाहन के भिड़ंत ले टेंकर चालक रमाकांत शर्मा (26) पिता रुद्रीचरण निवासी बरेली अउ ट्रक खलासी वेंकट आदरी (48) पिता सूर्यनारायण राव निवासी सालूर जिला विजयनगरम के मउका म ही मउत होगिस। उहें एम रम्मना बाबू (45) पिता एम चुट्टू बाबू निवासी गोलवीबी सालूर गंभीर रूप ले घायल हे, जेखर जिला अस्पताल आरएनटी म उपचार चलत हवय।