धरमलाल कौशिक करही सदन म भाजपा के अगुवाई

रायपुर । विधानसभा के नेता प्रतिपक्ष के चयन होगे हे । धरमलाल कौशिक ह छत्तीसगढ़ विधानसभा म नेता प्रतिपक्ष होंही। बिल्हा विधायक धरमलाल कौशिक छत्तीसगढ़ म भाजपा के  अनुभवी राजनीतिज्ञ हवय। उमन ओबीसी वर्ग ले आथे। कौशिक ह  विधानसभा अध्यक्ष घलो रही चुके हवय। 2013 म चुनाव हार के बादद पार्टी  ह उमन ल प्रदेस अध्यक्ष बनाइस। ए बेर उमन फेर  बिल्हा ले चुनाव जीतके विधानसभा पहुंचे हवय।

एखर पहिली  दावेदार मन म पूर्व मुख्यमंत्री रमन सिंह, अजय चंद्राकर, बृजमोहन अग्रवाल, ननकीराम कंवर सामिल रहिन हे। हालांकि सुरुआती बइठक म ही डॉ रमन सिंह ह अपन दावेदारी छोड़ दीन, ओखर बाद बृजमोहन अग्रवाल अउ ननकीराम कंवर ल मजबूत दावेदार बताय जात रहि सहे। लेकिन धरमलाल कौशिक के नाम म आखिरकार मुहर लगा दे गिस।  कौशिक डॉ. रमन सिंह के नजदीक हवय। कौशिक के नेताप्रतिपक्ष बने के बाद रमन सिंह ह प्रदेशाध्यक्ष बन सकत हे।