रायपुर । राज्य सभा चुनाव ल लेकर भाजपा म कयास के दौर शुरू होगे हे।। मुख्यमंत्री के पसंद के सवाल हवय तो प्रदेश अध्यक्ष धरमलाल कौशिक ल राज्य सभा म भेजें के। दूसर तरफ भाजपा के राष्ट्रीय महासचिव सरोज पांडेय घलो राज्य सभा म जाए बर तैयार बैइठे हे। संभावना हवय कि भाजपा पिछड़ा वर्ग के मनखे ल राज्य सभा म भेजही। अइसे मे बीजेपी प्रदेश अध्यक्ष कौशिक के दावेदारी सबले ज्यादा मजबूत दिखत हवय।
मार्च म राज्यसभा के 58 सीट बर चुनाव होवइय हे। छत्तीसगढ़ ले बीजेपी के राज्यसभा सदस्य भूषण लाल जांगड़े रिटायर होवइय हवय। उंखर खाली सीट बर चुनाव हो ही। भाजपा ले राज्य सभा म जाए बर अब्बड़ मनखे हवय। एखर सेती चर्चा तेज होगे हे कि बीजेपी ले अगला राज्यसभा सांसद कौन हो ही। चुनाव के तारीख के घोशणा होते ही राज्य सदस्य के नाम बर कयास लगना शुरू होगे। कुछ अइसे नाम आगू आवत हे। जेखर दावेदारी सबले जियादा तगड़ा हवय। ए मन म बीजेपी प्रदेश अध्यक्ष धरमलाल कौशिक के सबले उपर हवय। एती बर दुर्ग के पूर्व सांसद अउ बीजेपी के राष्ट्रीय महामंत्री सरोज पांडे घलो दावेदार म शामिल हवय। एखर अलावा पूर्व संगठन महामंत्री रामप्रताप सिंह के नाम भी चर्चा म हवय। भाजपा अगर आदिवासी ल सांसद बनाही तो रामप्रताप के नाम आगू होही। पिछड़ा वर्ग ल देख ही तो धरमलाल कौशिक ल टिकट मिल जाही। वहीं सामान्य वर्ग के होत हुए भी महिला वर्ग ले दावेदारी सरोज पाण्डेय के भी हवय। फेर आदिवासी नेता के तौर म रामविचार नेताम पहिली ले राज्यसभा म हवय। एखर सेती भाजपा पिछड़े वर्ग म दांव खेल ही। सीएम रमन ह संकेत दे हेकि जो भी सांसद बनही वो ह छत्तीसगढ़ के हो ही। यानि धमरलाल के टिकट ह पक्का दिखत हवय । मुख्यमंत्री ह 28 फरवरी के दिल्ली म पार्टी अध्यक्ष अउ प्रधानमंत्री ले मिल ही।। ऐखर के बाद संगठन म चर्चा के आधार पर नाम तय होही।
