धोनी के इच्छा— छत्तीसगढ़ म क्रिकेट अकादमी खोले के

प्रदेस म क्रिकेट के विकास बर  मददगार साबित होही

रायपुर । इंडिया के स्टार क्रिकेटर महेंद्र सिंह धोनी ह छत्तीसगढ़ म क्रिकेट अकादमी खोलना चाहत हे। एखर बर उमन ह राज्य सरकार ल प्रस्ताव घलो भेजिस हे।  धोनी के ए पहल के खेल अउ युवा कल्यान बेभाग के अधिकारी मन ह  स्वागत करिन हे।

प्रदेस के खेल अउ युवा कल्यान बेभाग के अधिकारी के कहिना हे के , ‘ए प्रस्ताव प्रदेस म क्रिकेट के विकास  बर मददगार साबित हो सकत हे’।  उमन धोनी के तारीफ करत हुए कहिन के , ‘ए गरव के बात हे के धोनी ह छत्तीसगढ़ ल लेके अपन रुचि दिखाइस हे।’

चुनाइ फइसला के बाद प्रस्ताव  म चर्चा…..वेभाग के कहिना हे के , ‘आचार संहिता के वजह ले सरकारी स्तर म ए फइसला म मुहर नइ लग सकय’। अधिकारी के कहिना हे के , ‘सरकार जब अपन कामकाज सुरू करही तब ए प्रस्ताव म ध्यान आकर्षित कराय जाही’। अंत म उमन कहिन के के , ‘चुनाव के नतीजा आए  के बाद ही दूनों पक्ष मन के बीच समझउता अउ शर्ते का हे ये साफ हो पाही।’

सरकार ल करनी चाही  पहल …..धोने के  फइसला के स्वागत क्रिकेट कोच अजय रमनानी ह कहिन के, ‘ ए प्रस्ताव म सरकार ल पहल करनी चाही अउ उमन  ल मूलभूत सुविधा घलो मुहैया करानी चाही।’