नइ आवन तोर चौखट म, कबर कहिन शिक्षाकर्मी मन ह

रायपुर। पंचायत संचालनालय के डायरेक्टर ह आदेश जारी करे हे कि शिक्षक पंचायत संवर्ग मन पंचायत विभाग/संचालनालय म निजी कारय अउ मांग ल लेके नइ आ सकय। डायरेक्टर ह समस्त जिला पंचायत सीईओ ल आदेश करत हुए कहिन कि विभाग ले सब्बों संबंधित अधिकारी मन ल ये संबंध म आदेश करव। पाबादी के आदेश म अपन प्रतिक्रिया देवत हुए शालेय शिक्षाकर्मी संघ के प्रांताध्यक्ष वीरेन्द्र दुबे ह कहिन कि समस्या हे, एखर सेती समाधान के रास्ता तलाश करे जाथे। संविलियन देके हमार समस्या के अंत कर दव। हमन आप मन के चौखट म अनावश्यक कबर अबो । जनपद अउ जिला पंचायत ले अपन समस्या मन के निदान न होय ले निराश शिक्षक पंचायत ह संचालनालय के चौखट म कदम रखत हवय।
आपन समस्या ल पैदा मत करव तव कोनो नइ आवय संचालनालय म। न रहही बाँस न बजेही बांसुरी। वीरेन्द्र दुबे अउ शालेय शिक्षाकर्मी संघ के प्रांतीय प्रवक्ता जितेन्द्र शर्मा के कहिना हे कि शिक्षक पंचायत संवर्ग अपन प्रादुर्भाव काल ले समस्या ले पीडि़त हवय। शिक्षा, पंचायत, नगरीय निकाय, ट्रायवल जैइसे कई पाट म पीसत हवय। 1998 ले आज तक नियमित वेतन के व्यवस्था नइ बन पाईस। आबंटन न होय म जनपद- जिला हाथ झड़ा देथे अउ खुद ही कहथे कि संचालनालय जाकर एलाट ले आवव। एलाटमेंट होय के बाद भी कई बार लापरवाही के चलत वेतन नइ दे पाय। अनुकम्पा, पदोन्नति, स्थानांतरण अइसे मुद्दा हवय जे ह जनपद अउ जिला म निराकृत नइ हो सकय।