नक्सली वारदात….अज्ञात युवक के धारदार हथियार ले गला रेत के हत्या

नारायणपुर। जिला के किलाम के कोरबेड़ा क्षेत्र म शनिवार के रात के अज्ञात नक्सली मन ह एक अज्ञात युवक के धारदार हथियार ले गला रेतके हत्या कर दीस। अउ ओखर लास ल सड़क के किनारे  म फेंक दिस। युवक के सिनाख्त नइ हो सकिस हे। रविवार के ये जानकारी बस्तर के डीआईजी सुंदरराज पी  ह दीस। उमन बताइन के मउका म  अभु संयुक्त सुरक्षाबल के जवान मवजूद हवय। तफ्तीस करे जात हे।

कइसे पता चलिस

डीआईजी सुंदरराज पी ह बताइस के, बड़े अल बिहनिया  कुछु ग्रामीन मन ल एक अज्ञात युवक के लास कोरबेड़ा म सड़क के किनारे पड़े हुए मिलिस। उमन एखर सूचना पुलिस ल दीस। सूचना मिलत ही संयुक्त सुरक्षाबल के टीम मउका-ए वारदात बर रवाना कर दे गिस। अभु विस्तृत जानकारी आए के  प्रतीक्षा करे जात हे। ओखर बाद ही कुछु कुछ पता चलही।