नक्सल संगठन  म बड़े बदलाव …..गणपति के स्थान लेही 1 करोड़ 57 लाख के इनामी  बसवराजू

रायपुर। नक्सल (माओवाद) संगठन के शीर्ष नेतृत्व म बड़े बदलाव करे गेहे।  संगठन के महासचिव बसवराजू (नंवबल्ला केशव राव)  ल बनाया गेहे । 25 साल ले ए पद  म कार्यरत मुपल्ला लक्ष्मण राव उर्फ गणपति के स्थान  म ए  जिम्मेदारी बसवराजू ल सउपे गिस हे।

सीपीआई माओवादी के केन्द्रीय कमेटी के प्रवक्ता अभय के ओर ले एक प्रेस रिलीज जारी  करे गिस हे।  जेमा  शीर्ष नेतृत्व म बदलाव के जानकारी सार्वजनिक करे गिस हे।  एमा बताय गिस हे के गणपति ह खराब सेहत के वजह  ले अपन जगह बसवराजू ल महासचिव बनाए जाए  के प्रस्ताव देय रहिस हे

नवां महासचिव ल लेके, जे जानकारी  आघू आवत हे । जेखर मुताबिक बसवराजू आंध्र प्रदेश के श्रीकाकुलम जिले के जियन्नापेटा के रहइया  हे। बसवराजू  ल महासचिव बनाय के फइसला सीपीआई माओवादी के केन्द्रीय कमेटी के बइठक म लेय गिस हे। बसवराजू करीब 27 साल ले माओवादी संगठन के केन्द्रीय कमेटी के सदस्य हे। बसवराजू 18  साल ले   पोलित ब्यूरो सदस्य के तउर  म सक्रिय रहे के अलावा पार्टी के केंद्रीय सैन्य आयोग के प्रभारी  रही चुके हे। ए बेरा म  बसवराजू के उमर  63 साल के आसपास होही।नवां  महासचिव बसवराजू संगठन म जादा बेरा  सैन्य कमान संभाले  हे अउ  आक्रामक हमला मन बर जाने  जाथे। उहें  हमला मन के रणनीति बनाय म घलो बसवराजू ल महारत हासिल हे।

1 करोड़ 57 लाख रुपिया के इनाम….नक्सली मन के नवां  शीर्ष नेतृत्व बसवराजू  उपर अलग-अलग राज्य मन अउ केन्द्रीय सुरक्षा संगठन मन ह 1 करोड़ 57 लाख रुपिया के  इनाम घोषित करे हे।   पद म परिवर्तन ले अइसे आसंका जताय जात हे के नक्सली घटना मन म  तेजी आ सकत हे।

छत्तीसगढ़ म बड़े हमला मन के मास्टर माइंड……छत्तीसगढ़ म चुनाइ के  बेरा म होए  नक्सली हमली मन के पीछू बसवराजू ही मास्टर माइंड हे। जेमा आईडी ब्लास्ट, 5 सुरक्षाकर्मी मन के मउत  अउ आंध्रप्रदेश म एक विधायक  के हत्या जइसे मामला सामिल हे। अइसे घलो जानकारी निकल के  आवत हे के छत्तीसगढ़ म जे बड़े नक्सली वारदात होय हे, ओमा बसवराजू के महत्वपूरन भूमिका रहे हे।