ननकीराम ह दिखाइस नाराजगी…..कहिन के , मैं माला नइ पहिनव

रायपुर । बीजेपी विधायक दल के बइठक म धरमलाल कौशिक ल नेता प्रतिपक्ष बनाए  म संगठन के कुछु नेता मन म नाराजगी देखे बर मिलिस। होइस ए के जब धरमलाल कौशिक नेता प्रतिपक्ष चुने जाने के बाद विधायक ननकीराम कंवर ल माला पहिनाए बर गिस,  त कंवर  ह माला पहिने  ले  इंकार कर दिस।

उमन कहिन के मैं माला नइ पहिनव। जेमा अनिल जैन ह चुटकी लेवत हुए कहिन के पहिली त आप मन माला पहिनत रहेव। एमा केंद्रीय पर्यवेक्षक थावरचंद गहलोत ह फेर ले चुटकी लेवत कहिन के ननकी ह सादी के बाद ले माला नइ पहिने हे।

बता दन के एखर पहिली कतको भाजपा विधायक नेता प्रतिपक्ष के दावेदारी जता रहिन हे। एमा  खुद पूर्व सीएम रमन सिंह, वरिष्ठ विधायक बृजमोहन अग्रवाल अउ ननकीराम कंवर के दावेदारी घलोक काफी मजबूत माने जात रहिन हे।