नशा म धुत स्कूल मास्टर ल होस लाए बर लइका मन करिन ए काम …पढ़व पूरा खबर

 जगदलपुर। स्कूल म शराब पी के शिक्षक ल स्कूल पहुंचना ओ बेरा  महंगा पड़ गिस, जब जांच म पहुंचे समन्वयक ह स्कूली लइका मन ले उंखर पिटाई करवा दीस।

दरअसल, ए पूरा मामला जगदलपुर के दरभा ब्लॉक के दुकारूपारा प्राथमिक स्कूल के हे।  ए दउरान नशा के हालत म स्कूल पहुंचे गुरुजी ल उठाए म लइका मन परेसान होत रहिस हे अउ शिक्षक मस्त सोवत रहिस हे।  तभे जानकारी मिले म  मउका म पहुंचे समन्वयक ह शिक्षक ल उठाए बर लइका मन के हाथ म छड़ी थमा दीस। ओखर बाद लइका मन  शिक्षक ल छड़ी ले मार के उठात नजर आइन। उहें लइका मन अउ परिजन मन के सिकायत म दरभा तहसीलदार घलो मउका म पहुंचगे।