नसीला कफ सिरप के जखीरा बरामद… खरीददार ह झाड़िस पल्ला… सबो माल जब्त

बिलासपुर । रायपुर ले ट्रांसपोर्ट के जरिए नसीली दवाइयां सहर पहुंचाए जात हे। व्यापार विहार स्थित ट्रांसपोर्ट कार्यालय म पुलिस ह दबिस दीस हे। ट्रांसपोर्टर ह 10 कार्टून नसीली कफ सिरप बिल दिखाके माल सही होय के हवाला दिस।

पुलिस हने औषधि प्रसासन विभाग ल सूचना देय हे। मउका म  पहुंचे ड्रग इंस्पेक्टर  ह सहर के जे मेडिकल एजेंसी संचालक के पता म नसीली सिरप भेजे गेहे ओखर संचालक ल बुलवाइस। संचालक  ह माल मंगवाए ले इनकार कर दिस। कफ सिरप ल ड्रग इंस्पेक्टर  ह ट्रांसपोर्ट कार्यालय म छोड़ देय हे। जानकारी के अनुसार सोमवार दुपहर मुखबिर ले सिविल लाइन पुलिस ल सूचना मिले रहिस हे के व्यापार विहार स्थित राज ट्रांसपोर्ट म भारी मात्रा म नसीली कफ सिरप आए हे। कफ सिरप तेलीपारा स्थित एक मेडिकल एजेंसी म भेजे के तइयारी चलत रहिस हे।  सूचना म पुलिस कर्मी मउका म  पहुंचिन।

ट्रांसपोर्ट संचालक श्याम शर्मा ह पुलिस कर्मियों ल कफ सिरप के बिल दिखात हुए बताइन के कफ सिरप रायपुर टांटीबंध स्थित तिरूपति फार्मा ले बिलासपुर भेजे गेहे हे। माल बर तेलीपारा मेडिकल काम्प्लेक्स म स्थित प्रतिभा मेडिकल एजेंसी के संचालक ह आर्डर करे हे। पुलिस कर्मी मन ह बिल देखे अउ थाना क्षेत्र तारबाहर होय के सूचना तारबाहर टीआई मंगेश देशपांडे ल दीस। तारबाहर टीआई ह औषधि प्रसासन विभाग के ड्रग इंस्पेक्टर सोनम जैन के मोबाइल नंबर देके माल हैण्ड ओवर करे बर कहिन हे। पुलिस कर्मी मन सोनम ल सूचना दे दीस।