निर्माण के गुणवत्ता म नजर रखे ल तपती धूप म लईका संग नजर आइस महिला एसडीओ

जय जोहार कोण्डागांव…. सड़क निर्माण के गुणवत्ता म नजर रखे बर तपती धूप म अपन मासूम लईका के संग लोक निर्माण विभाग के महिला अनुविभागीय अधिकारी ह नजर आइस हे। ए दौरान महिला अनुविभागीय अधिकारी पूर्णिमा चंद्रा ह सड़क म उपयोग करे जावत डामर के गुणवत्ता के निरीक्षण करिस।

ज्ञात हो कि अक्सर संवेदनशील क्षेत्र म निर्माण कार्य म अनियमितता के सिकायत ह आवत रहत हे। जेमा ठंडा डामर के उपयोग ले लेके केमिकल म अनियमितता के सिकायत होवत हे। महिला अधिकारी ह न केवल निर्माण स्थल तक पहुंचिस, अपितु निर्माणाधीन सड़क भैंसा बोड़ा, बड़े डोंगर ले देवगांव निर्मित सड़क के संग डामर प्लांट तक पहुंच के गुणवत्ता के जांच करत नजर आइस हे।