नेपाली युवक के चाकू मार के हत्या

रायपुर। गुढिय़ारी थाना क्षेत्र के कृष्णा नगर म दिन दहाड़े तीन युवक ह एक युवक के चाकू  ले ताबड़ तोड़ हमला कर के हत्या कर दीस। पुलिस ह अज्ञात आरोपी मन के खेलाफ  हत्या क अपराध दर्ज करे हे।

 मिले जानकारी म मृतक कृष्णा नेपाली (22) मूलत: नेपाल निवासी रहिस हे।  वोह दू माह पहिली ही काम करे बर रायपुर आय रहिस हे अउ गुढिय़ारी क्षेत्र के कृष्णा नगर म किराए ले के  रहत रहिस हे।  बताय जात हे के आज दोपहर करीब तीन बजे तीन अज्ञात युवक मन ह  कृष्णा उपर  चाकू ले ताबड़ तोड़ वार करिन अउ उहां ले  भाग निकलिन। आसपास के लोगन के सूचना  म पुलिस  ह मउका म  पहुंचिस। पुलिस ह घायल कृष्णा ल उपचार बर अस्पताल पहुंचाइन । जांच के दउरान डॉक्टर मन ह ओला  मृत घोसित कर दिस।