कांकेर । जिला के भानुप्रतापपुर म रेलवे ले प्रभावित होय किसान मन अब नौकरी नइ मिले ले नाराज हवय। नौकरी के मांग ल लेके प्रभावित किसान मन निर्माणाधीन रेलवे लाइन के पटरी म अनिश्चित कालीन धरना आंदोलन म बैइठ गेहे। इंखर कहिना हे कि ये बखत नौकरी के नियुक्ति पत्र मिलही तभे धरना ले हटबो।
कांकेर के भानुप्रतापपुर म बीते 5 मार्च ले किसान मन के धरना प्रदर्शन चलत हवय। आन्दोलन करइया किसान मन ह रेलवे प्रशासन अउ सरकार के खिलाफ जमके नारेबाजी करिन। किसान मन ह चेतवानी दीस हे कि यदि उंखर मन के मांग नइ माने जाही तव उमन ह भूख हड़ताल करही। एखर संग के धरना प्रदर्शन घलो जारी रहही।
किसान संगठन के संरक्षक चन्द्रशेखर यदु ह आरोप लगाइस कि हमन ल पिछू 10 बरस ले सिरफ गुमराह करे जाथे हे । रेलवे ह आश्वासन के बाद भी हमन ल नौकरी नइ देवत हे। सरकार घलो एखर बर कोनो सकारात्मक कदम नइ उठावत हे। जेखर ले परेशान होके किसान मन ह धरना देके निर्णय करिस हे।
