न्यू लाईफ के छात्रा मन ह बताइन …..  काबर लगिस अतना खूबसूरत ताजमहल ह

पद्मिनी मरावी, कोरिया। जिला मुख्यालय बैकुंठपुर स्थित न्यु लाईफ इंस्टीट्यूट आफ नर्सिंग के जी.एन.एम.  पहिली साल  के छात्र-छात्रा मन के सैक्षनिक भ्रमन 27 नवम्बर ले 1 दिसम्बर तक उत्तरप्रदेश के विभिन्न शहर आगरा, फतेहपुर सिकरी, फिरोजाबाद, वृंदावन, मथुरा के दारसनिक स्थल मन के भ्रमन करिस।

नर्सिंग की छात्र- छात्रा मन  अउ  शिक्षिका के दल  5 दिवसीय भ्रमन के दउरान सबले  पहिली आगरा म स्थित ताजमहल के भ्रमन नर्सिंग के छात्र- छात्रा मन करिन।  उमन ह  ताजमहल के बनावट अउ नक्सी ले काफी परभावित होइन । एखर बाद फतेहपुर सिकरी स्थित बुलंद दरवाजा, जोधा महल, मरियम महल, जलालुद्दीन दरगाह के घूमसी।  फेर फिरोजाबाद आइन। इहां डीएम क्लब पहुंचिन जिहां एखर मन के मुलाकात डीएम श्रीमति नेहा शर्मा, आईएस ले होइस। इहां ले  छात्र- छात्रा मन के दल ह फिरोजाबाद ग्लास इंडस्ट्री सुहाग नगर  बर निकलिन ।  इहां  चूड़ी, ग्लास, बाटल इंडस्ट्री के भ्रमन करिन। अउ संझा के बटेश्वर  मंदिर के दरसन करिन। आघू दिन वृंदावन अउ मथुरा गिन।  वृंदावन के प्रसिद्व प्रेम मंदिर, अउ मथुरा के कृष्ण जन्मभूमि के भ्रमन करिन।  ए 5 दिवसीय सैक्षनिक भ्रमन म  नर्सिंग के छात्रा मन ह उप्र के महत्वपूर्ण सहर अउ  प्रसिद्व स्थल मन के  भ्रमन करिन। ए यात्रा  बर  नर्सिंग के छात्रा मन ह  अपन खुशी ल जाहिर करत हुए कालेज प्रबंधन के  प्रति आभार प्रगट करिन।  बैकुन्ठपुर पहुंच के छात्रा मन ह   संस्था के प्रमुख डा. राकेश शर्मा ल मोमेन्टो भेंट कर अपन अनुभव सांझा करिन।