पंचायत मन म शुरू होही सोशल ऑडिट

रायपुर। छत्तीसगढ़ के सबो पंचायत मन म सोशल ऑडिट के कार्य शुरू होही। राज्य सरकार ह एला लेके पूरा तैयारी शुरू कर दे हे। प्रदेश के 10971 ग्राम पंचायत मन म ये ऑडिट होही। सबो पंचायत मन म होवइया सोशल ऑडिट बर 19 करोड़ 55 लाख 41 हजार रुपिया के प्रस्ताव राज्य सरकार ह बनाके केन्द्र सरकार ल भेज दिस हे। सामाजिक अंकेक्षण विभाग ह ये लक्ष्य निर्धारित करे हे। सोशल ऑडिट विषय म मुख्य सचिव अजय सिंह ह अधिकारी मन के संग के विशेष बैठक लीस हे। ग्राम पंचायत मन के सोशल ऑडिट म पंचायत मंत्री अजय चंद्राकर ह कहिन कि सोशल ऑडिट ले सरकार के योजना मन के लोगन मन उपर कतना प्रभाव पड़त हे, येखर बारे म जानकारी मिलथे।